Nan lokazyon par\u00e8t mizik Rap \u00ab Bouknanm \u00bb Rap\u00e8 35Zile. Mizik sa a anonse alb\u00f2m k ap gen menm non an.<\/i><\/p>\n
T\u00e8ks sa a vin jwenn AlterPresse premye jen 2017<\/p>\n
Yon atik Andy Antoine (Mawon Anndi)<\/i><\/p>\n
Youn nan dekouv\u00e8t Jean Casimir f\u00e8, se rive w\u00e8 mekanis ki f\u00e8 sa j\u00e8n ayisyen an aprann lek\u00f2l la depaman ak sa l ap viv andan lakay li. Sa vle di, ant espas prive li grandi a ak espas piblik l ap evolye a gen yon gwo twou. J\u00e8n ayisyen an pa rive jwenn yon f\u00f2masyon pou ride l kominike n\u00f2malman ak moun lakay li. Sitirasyon sila prezan lakay li pandan tout lavi l. Rive depase l, se kreye posibilite pou rekonsilye pitit peyi a ak peyi a. Dapr\u00e8 ot\u00e8 a, se s\u00e8l mwayen k ap penm\u00e8t nou jwenn ki kote nou ka f\u00e8 men tou ki nou menm ki ka f\u00e8 kisa ansanm.<\/p>\n
Pwobl\u00e8m sa, menm si li sanble pa deranje Leta, jwenn anpil moun ent\u00e8rese etidye l epi pwopoze k\u00e8k pis pou jwenn bout li. Nou pa an mezi pou n site tout nan kad ti refleksyon sa, day\u00e8 se pa objektif la, n ap s\u00e8lman konsidere youn ki f\u00e8t nan yon dom\u00e8n sa pa konn f\u00e8t souvan. Nou ap konsidere youn men anreyalite se tout z\u00e8v kreyat\u00e8 sa pou n ta kenbe pou refleksyon an ta pi byen chita. Sa tou av\u00e8ti nou se lide n ap poze pou yon pi gwo refleksyon. An atandan, se yon senp tchas n ap f\u00e8 sou koze a. Travay sa a se pa yon liv ki ekri ni yon pwoj\u00e8 ONG pote men pito yon alb\u00f2m. Yon alb\u00f2m rap. Se 35 Zile ki pote l, li rele BOUKNANM.<\/p>\n